«Комсомолтан кынат анньынан…»

Кэскил төрдө ыччат дьон кынатын салҕаан киэҥ суолга таһаарар, үгүс оҕону уһуйан үөрэтэр Е.Е. Эверстов аатынан Кэбээйи орто оскуолатыгар араас хабааннаах тэрээһин тиһигин быспакка ыытылла турар үгэстээх.
Алтынньы 19 күнүгэр Комсомол үбүлүөйдээх 100 сылын бэлиэтии эдэр уонна аҕа саастаах көлүөнэ муһуннубут.
Комсомол значоктарын түөстэригэр анньынан улааппыт хас биирдии киһи олоҕо, сырдык өйдөбүлэ комсомолу кытта ситимнээх, эдэр саастарын эрчимнээх кэмнэригэр үүнүү-сайдыы суолун аан бастаан бу кэмнэргэ тэлбиттэрэ диэтэхпитинэ сыыспаппыт буолуо.
Ол курдук, үөрүүлээх тэрээһиммит ыҥырыылаах ыалдьыттарынан Егор Авксентьевич Павлов, Матрена Симоновна Софронеева, Мария Петровна Кобякова уонна Зоя Владимировна Максимова буоллулар. Кинилэр кэнчээри ыччакка комсомольскай тэрилтэни хайдах, хаһан салайбыттарын, комсомол тэрилтэтин сыалын-соругун, үлэтин-хамнаһын сырдаттылар. Ордук комсомол сылларыттан өйдөө хаалбыт түгэннэрин, туох тэрээһиннэргэ кытталларын сөбүлээн иһиттибит, элбэххэ үөрэннибит.
Түмүккэ үөрэнээччилэр («Новое поколение»), учууталлар ("Искра”) уонна комсомолецтар ("Не стареющие душой”) диэн үс бөлөҕүнэн арахсан, өй-билии күрэҕин оонньоотубут. Аҕа саастаах ыалдьыттарбыт, убаастыыр учууталларбыт киэҥ билиилэрин-көрүүлэрин, оттон үөрэнээччилэр хамаандалара үчүгэй бэлэмнээхтэрин көрдөрөн, 1 миэстэ – «Искра», 2 миэстэ – "Не стареющие душой”, 3 миэстэ - «Новое поколение» буоллулар.
Онон бу киэһээ Комсомол уһун кэмнээх историятыттан кылгастык да буоллар сэгэтэн көрдүбүт. Инники олохпутугар туһалаах буоларыгар саарбахтаабаппыт.
Добавить комментарий

Оставить комментарий

    • bowtiesmilelaughingblushsmileyrelaxedsmirk
      heart_eyeskissing_heartkissing_closed_eyesflushedrelievedsatisfiedgrin
      winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
      worriedfrowninganguishedopen_mouthgrimacingconfusedhushed
      expressionlessunamusedsweat_smilesweatdisappointed_relievedwearypensive
      disappointedconfoundedfearfulcold_sweatperseverecrysob
      joyastonishedscreamtired_faceangryragetriumph
      sleepyyummasksunglassesdizzy_faceimpsmiling_imp
      neutral_faceno_mouthinnocent
Кликните на изображение чтобы обновить код, если он неразборчив