Муҥха – төрүт үгэспит

Былыр-былыргыттан балык саха норуотун иитэн-аһатан кэлбитэ олоххо баар чахчы. Кэбээйи улууһа эмис соботунан өрөспүүбүлүкэбит бары муннугар сураҕырбыта ыраатта. Билигин даҕаны Кэбээйиттэн сылдьар киһиттэн муҥха туһунан сураһаллар, собо кэһии кэтэһэллэр.
Ол курдук, Кэбээйи орто оскуолата муҥха төрүт үгэспит буоларын аныгы ыччакка тиэрдэр, өйдөтөр сыаллаах хас сылын 9-11 кылаас уолаттарын уонна эр дьон учуутталларын күрэх муҥхатыгар таһаарар.
Балыктааһын туһунан биһиги оҕолор уруоктарга эрэ истэр буоллахпытына, бу дьыл сэтинньи 7 күнүгэр “Лиһэ” диэн улахан эбэ элбэх дьону түмэ тарта.
Муҥханы түһэриэх иннинэ сиэри-туому барытын тутустубут. Эбэ иччититтэн көрдөһөн, арыылаах алаадьынан күндүлээтибит.
Муҥханы тэрийиигэ элбэх киһи кытынна. Муҥханы тэрийиигэ үөрүйэхтээх Николай Алексеевич Данилов салайыытынан иккитэ түспүппүт. Улахан дьон муҥха түһэрэр уонна таһаарар чардааттары алларан, анньыыһыттаатылар, нырыы ойбонун тэстилэр. Оттон биһиги оҕолор тыас таһааран балыгы кытыытыттан муҥха сылдьар өртүгэр үүрэн, нырыыһыттаатыбыт, сорох уолаттар быа, сыарҕа тардан көмөлөстүлэр.
Сорох оҕолор быйыл саҥа маннык тэрээһиҥҥэ саҥардыы сылдьар буоланнар, элбэххэ үөрэннилэр. Бастакы түһүүбүтүгэр билбэт буоламмыт, үөрэнэ-үөрэнэ, бытааннык түспүппүт. Хомойуох иһин, булпут аҕыйах этэ. Ол да буоллар, санаабытын түһэрбэккэ, итии чэйбитин иһэн, үтэбитин сиэн, салҕыы үлэбитин салҕаабыппыт. Бу сырыыга арыый үөрүйэхтэнэн, сырыыбыт түргэтээн, үлэбит көхтөөх соҕус буолла, Байанайбыт үтүө хараҕынан көрөн, собобут икки төгүл элбээн биэрдэ, үөрүүбүт өссө үрдээтэ.
Онон, бу биир күн айылҕалыын алтыһан, муҥха сиэрин-туомун, үгэстэрин билсэн, көрөн, биһиги, кэнчээри ыччат, уол оҕо буоларбыт быһыытынан олохпутугар туһалаах буолуо диэн саарбахтаабаппыт.
Биир дойдулаахтарбар балык сапааһын эспэккэ, сиэрдээхтик муҥхалаан, айылҕабытын, эбэлэрбитин киртиппэккэ сылдьар ытык иэстээхпитин умнумаҥ диэн ыҥырабын.


Муҥха – төрүт үгэспит

Муҥха – төрүт үгэспит
Добавить комментарий

Оставить комментарий

    • bowtiesmilelaughingblushsmileyrelaxedsmirk
      heart_eyeskissing_heartkissing_closed_eyesflushedrelievedsatisfiedgrin
      winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
      worriedfrowninganguishedopen_mouthgrimacingconfusedhushed
      expressionlessunamusedsweat_smilesweatdisappointed_relievedwearypensive
      disappointedconfoundedfearfulcold_sweatperseverecrysob
      joyastonishedscreamtired_faceangryragetriumph
      sleepyyummasksunglassesdizzy_faceimpsmiling_imp
      neutral_faceno_mouthinnocent
Кликните на изображение чтобы обновить код, если он неразборчив