"Наука5а айан суола" көрсүһүү

Оскуола – о5о саас уйата, үүнэр-сайдар эйгэтэ. Кэбээйи оскуолатын тыһыынчанан ыччат дьон бүтэрэн олох киэҥ аартыгар үктэннэҕэ. Кинилэр ортолоругар киһи аймах өркөн өйүн эйгэтигэр чинчийиилэри-арыйыылары оҥорор, ол туһунан билиилэрин-сатабылларын үллэстэр, кэнчээри ыччаты уһуйар – учуонайдар. «Кэскилгэ хардыы» программа чэрчитинэн I Кэбээйи регионунааҕы научнай-практическай конференцияҕа эксперт быһыытынан Дьокуускайтан 7 учуонай кэлэн үлэлээтэ. Кинилэри кытта физкультура уонна естественнэй хайысхалаах предметтэр учууталлара «Наукаҕа айан суола» диэн көрсүһүү тэрийдилэр.
Кэбээйи оскуолатын 1970 сыллаахха бүтэрбит техническэй наука доктора, профессор, СР наукатын уонна техникатын үтүөлээх үлэһитэ, СР наукаҕа уонна техникаҕа государственнай бириэмийэтин лауреата Алексей Егорович Местниковы, биир дойдулаахпыт, биологическай наука кандидата, ирбэт тоҥ биологическай проблемаларын үөрэтэр институт директорын научнай үлэҕэ солбуйааччы Иннокентий Михайлович Охлопковы, Сэбээн Күөлтэн төрүттээх историческай наука кандидата, гуманитарнай чинчийиилэр институттарын научнай үлэһитэ Евдокия Кимовна Алексееваны, АФ «Кэскилгэ хардыы» программатын СР-р толорооччу секретара, биологическай наука доктора, М.К. Аммосов аатынан ХИФУ ЕНИ кафедратын сэбиэдиссэйэ Михаил Михайлович Черосовы кытары оҕолор көрсөн аһаҕастык кэпсэттилэр. Учуонайдар сүбэлэрин болҕойон истэн, интэриэһиргиир боппуруостарыгар хоруй ылан бу көрсүһүүттэн астынан тарҕастылар.
Наука өйү-сүрэҕи өрүкүтэр умсулҕаннаах, үрдүк дабааннардаах, күлүмнэс чыпчааллардаах, үтүө түмүктэрдээх буолан былыргыттан билиҥҥэ диэри олоҕу хамсатар төһүү күүс. Наукаҕа киэҥ суол саҕаланар оскуолаттан, уруоктан, дьиэ кэргэнтэн, учуутал үөрэҕиттэн. Онтон айан хаамыыта тутулуктаах тус санаа күүһүттэн, дьулууртан, сыралаах үлэттэн.

"Наука5а айан суола" көрсүһүү
Добавить комментарий

Оставить комментарий

    • bowtiesmilelaughingblushsmileyrelaxedsmirk
      heart_eyeskissing_heartkissing_closed_eyesflushedrelievedsatisfiedgrin
      winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
      worriedfrowninganguishedopen_mouthgrimacingconfusedhushed
      expressionlessunamusedsweat_smilesweatdisappointed_relievedwearypensive
      disappointedconfoundedfearfulcold_sweatperseverecrysob
      joyastonishedscreamtired_faceangryragetriumph
      sleepyyummasksunglassesdizzy_faceimpsmiling_imp
      neutral_faceno_mouthinnocent
Кликните на изображение чтобы обновить код, если он неразборчив