Кэбээйи сайдар оскуолата -90 сыла!

Бу дьыл кулун тутар ыйын 17-18 күннэригэр Кэбээйи улууһун кырдьаҕас кыһата, Егор Егорович Эверстов аатынан Кэбээйи орто оскуолата, 90 сыллаах үөрүүлээх үбүлүөйүн үрдүк таһымнаахтык бэлиэтээтэ. Бу бэлиэ күн араас кэмҥэ үөрэммит, иитиллэн-эллэнэн тахсыбыт выпускниктар, үлэлээбит күндү учууталлар, ыҥырыылаах дьон мааны ыалдьыт буоллуллар.
Тэрээһин Кэбээйи улууһугар үөрэхтээһин 90 сылыгар анаммыт үөрүүлээх миитининэн саҕаланна. Эҕэрдэ тылы Бартыһаан Дьөгүөрэп оскуолатыгар үлэлээбит бастакы учууталлартан биирдэстэрэ А.П.Эверстова, оскуола бастакы выпускнига Н.А.Дьяконов, «Кэбээйи улууһа» МТ баһылыгын солбуйааччыта Андреев о.д.а. эттилэр. Миитини А. Кобяков тылларыгар, Р. Степан матыыбыгар «Дорообо, оскуолам» диэн оскуола оҕолорун хора түмүктээтэ.
Үбүлүөйгэ уопсайа 300-чэкэ ыалдьыт кыттыыны ылла.
Үөрүүлээх тэрээһин биир сүрүн чааһынан «Кобяйская школа на рубеже столетий. 1990-2016 г.г.» диэн 300 экземплярынан тахсыбыт кинигэ сүрэхтэниитэ буолла. Дьон-сэргэ кинигэ тутулун, ис хоһоонун сэргээтилэр, таһаарааччыларга махталарын тиэртилэр.
Кэбээйи оскуолатыгар үлэлээбит учууталлары биир сиргэ түмэ тардыбыт «Ис сүрэхтэн ...» диэн көрсүһүү үбүлүөй биир саамай чаҕылхай тэрээһининэн сыаналанна. Араас сылга үлэлии сылдьыбыт үтүөкэннээх учууталлар ааспыт кэмнэрин санаһан, үөрэнээччилэриттэн махтал тыллары истэн, олус долгуйан, үөрэн-көтөн тарҕастылар.
Маны таһынан, бу күн үөрүүлээх мунньах, эҕэрдэ концерт, муос ууһа С.В. Левин, эбии үөрэхтээһин үлэһиттэрин маастар-кылаастара, «Путешествие в школьные годы» станциянан оонньуу, П.Д.Степанов аатынан кыраайы үөрэтэр музейгы экскурсия былааннаахтык тэриллэн ыытылыннылар.
Иккис күн Экология уонна эбии үөрэхтээһин киинигэр кыһыҥҥы теплица арыллыыта, Россия суруйааччыларын союһун чилиэнэ, биир дойдулаахпыт И.Н.Левин 75 сааһын бэлиэтиир тэрээһин, нэһилиэк ытык бэлиэ сирдэринэн экскурсия буолла.
Оҕо-аймах үүнэр-сайдар кыһата, Кэбээйи сайдар оскуолата, бу күн ыччаттарын ыҥыртаан, кырдьаҕаһы уруйдаан, сандаарыйа сырдаан, саҕахтары холбуу тутта!


Кэбээйи сайдар оскуолата -90 сыла!

Кэбээйи сайдар оскуолата -90 сыла!

Кэбээйи сайдар оскуолата -90 сыла!

Кэбээйи сайдар оскуолата -90 сыла!

Кэбээйи сайдар оскуолата -90 сыла!

Кэбээйи сайдар оскуолата -90 сыла!

Кэбээйи сайдар оскуолата -90 сыла!

Кэбээйи сайдар оскуолата -90 сыла!

Кэбээйи сайдар оскуолата -90 сыла!
Добавить комментарий

Оставить комментарий

    • bowtiesmilelaughingblushsmileyrelaxedsmirk
      heart_eyeskissing_heartkissing_closed_eyesflushedrelievedsatisfiedgrin
      winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
      worriedfrowninganguishedopen_mouthgrimacingconfusedhushed
      expressionlessunamusedsweat_smilesweatdisappointed_relievedwearypensive
      disappointedconfoundedfearfulcold_sweatperseverecrysob
      joyastonishedscreamtired_faceangryragetriumph
      sleepyyummasksunglassesdizzy_faceimpsmiling_imp
      neutral_faceno_mouthinnocent
Кликните на изображение чтобы обновить код, если он неразборчив