Республикатааҕы байыаннай-спортивнай «Снежный барс» оонньуу
Республикатааҕы байыаннай-спортивнай «Снежный барс» оонньуу Советскай Союз Геройа, легендарнай снайпер Федор Матвеевич Охлопков 110 сылыгар ананан Мэнэ-Ханалас улууһугар Лоомтука бөһүөлэгэр ыытылынна.Олохтоох Семен Захарович Борисов аатынан Тыыллыма орто оскуолатыгар 129 оҕо үөрэнэр. Директор Белолюбскай Федор Федорович коллективы түмэн бу улахан күрэҕи тэрийэн ыытта.Кылаабынай судьуйанан кадетскай корпустан подполковник Моякунов Павел Валерьевич, кылаабынай секретарынан Владимирова Нюргуяна Афанасьевна үлэлээтилэр. Бу тэрээһиҥҥэ барыта 15 хамаанда түмсэн тургутууну аастылар. Ол курдук, сылын аайы инники күөҥҥэ сылдьар хамаандалар Мэҥэ-Ханалас «Кадеты», Горнай “Сокол”, Чурапчы “Беркут”,Уус-Алдан “Мүрү” о.д.а сыллата үчүгэй көрдөрүүлээхтэр. Хамаандалар судьуйалар үлэлэрин үрдүктүк сыаналаатылар.Хас биирдии кыттааччыга болҕомтолоох судьуйанан оҕолор Колесов Алексей Михайловиһы ааттаатылар.Үгүс сыраны ыытан, түмүккэ маҥнайгы миэстэни Мэҥэ-ХаҥаласСыымах оскуолатыттан “Кадеты”, иккис миэстэни Уус-Алдан “Мүрү” уонна үһүс миэстэни Мэҥэ-Хаҥалас Аллараа Бэстээх “Факел” ыллылар. Биһиги оскуолабыт «Звезда» хамаандата бу республикатааҕы күрэххэ саҥа кытынна. Салайааччы -“Надежда Якутии”анал бэлиэ хаһаайына, физкультура учуутала Гуляев Аполлон Аполлонович.Оҕолор тэҥнээхтэрин ситиһиилэрин илэ көрөн үөрдүлэр, тэрээһин тутулун сиһилии билистилэр. Биһиги хамаандабыт бу бастакы сүрэхтэниигэ радиосибээскэ 3 миэстэни, визиткаҕа 5 миэстэни ылла.Бу улахан ситиһии. Ытыыга оҕолортон ойуччу элбэх баалы ылан, Семенов Сережа “Бастыҥ ытааччынан”ааттанна. Семен Захарович Борисов аатынан Тыыллыма орто оскуолатыгар сахаттан бастакы Академик Ларионов Владимир Петрович төрөөбүт дойдута буоларын сэргии иһиттибит, оскуола музейыгар сырыттыбыт. Биһиги оскуолабыт онус кылааһын үөрэнээччитэ Терехов Айсеҥҥа Ларионов Владимир Петрович таайа буоларын биллибит. Биһиэхэ көмөлөспүт, бары өттүнэн өйөөбүт кураторбыт Егорова Евдокия Павловнаҕа, волонтер Степанова Марианнаҕа (7 кылаас) махтанабыт.
